Rzymsko – Katolicka Parafia Św. Wawrzyńca w Mokrem
ŚWIĘTO ŚW. ARCHANIOŁÓW MICHAŁA, GABRIELA I RAFAŁA
ŚWIĘTO ŚW. ARCHANIOŁÓW MICHAŁA, GABRIELA I RAFAŁA
Boscy Aniołowie na nos patrzom z nieba.
Czego chopy, frele? Czego wōm potrzeba?
Sztyc stojōm przi boku, kożdygo wachujōm.
Człowiecze zgryzoty richtig fest tyż czujōm.
Świynty Stróż sam stoi i we dziyń i w nocy
Zowdy kaj potrzeba udzielo pomocy.
Za dziecka na klynczkach, żeś rzykoł do niego
Co by cie zakludził do życio wiecznego.
Na szpicy zastympów som Archaniołowie
Michał, Gabriel, Rafał – anielscy posłowie
Posłani ôd Boga ze misjom na ziymia.
Kożdy miołby tukej wiela do zrobiynia
Michał sztyc przeciwko diobłu sam wojuje.
Gabriel narodzynie Dzieciątka zwiastuje.
Rafał mocōm Bożom przeganio choroby.
Trzech świyntych wybrańców, mo Boże sposoby.
W świynto Archaniołów wejrzij kajś wysoko.
Może bydziesz widzioł ich Anielskie oko
Może fest cie porwie anielsko obstawa.
I przed naszym Bogiym przirzekniesz poprawa.
